PATOK NA PATOK NA PASYALAN TALAGA ANG BULACAN!

The Fabulous Bulacan! 

ANO NGA BA ANG BULACAN?

          

          Ang Bulakan ay isang lalawigan sa Gitnang Luzon. Ito rin ang tinatawag na “Lupain ng mga Bayani.” Dito nanirahan ang mga tanyag na bayani tulad nina Francisco Baltazar, Marcelo H. Del Pilar at Gregorio del Pilar. Ito ay kilala sa mga malalawak na sakahan, dam, at lungsod na may mauunlad na industriya.

          Ang Bulakan ay nasa timog-kanlurang bahagi ng Gitnang Luzon. Ito ay nasa hanggahan ng Nueva Ecija mula hilaga, ng Aurora at Quezon sa silangan, ngPampanga sa kanluran at Kalakhang Maynila at Look Maynila mula sa timog.

          Binubuo ng 2,625.0 kilometro kuwadrado ang buong lalawigan ng Bulakan. Humigit kumulang 14 na porsiyento ng buong sukat ng Luzon ang sinasaklaw ng Bulakan. Mayroon itong 21 munisipalidad, tatlong lungsod at 569 barangay. Ang Lungsod Malolos ang kabisera ng naturang lalawigan.

          Natuklasan ng mga mangingisda ang lugar na ito bago pa dumating ang mga Kastila sa bansa. Nanggaling sila mula sa baybayin ng Maynila at lumipat sa lupaing ito kung saan mataba ang lupa at napapaligiran ng ilog at batis. Lumaki ang bilang ng mga naninirahan dito at ngayon ay kilala na bilang lalawigan ng Bulakan.

          Pinaniniwalaang mula sa salitang "bulak" (kapok) o tinipil na salitang "bulaklak". Maaaring tumutukoy noon ang "Bulakan" sa pook na may maraming tanim na bulak o bulaklak.

          Ang paglagda sa kasunduan sa Biyak-na-Bato ang isa sa mga mahahalagang bahagi ng kasaysayan ng Bulakan. Ang lalawigang ito ay isa sa mga lalawigang nag-alsa sa mga Kastila. Ang Simbahan ng Malolos at Simbahan ng Barasoain ang isa sa mga naging punong himpilan ni Pangulong Emilio Aguinaldo at ng kanyang batasan.